Victis Geburtstag

Andi Reimann	Maestro, wie hätten Sie's heute denn gerne? Das hesch du immer gwüsst, liebe Victi. Du hesch d'Philosophie vo dr JMP mitprägt mit allne Mitglieder, wo du immer wieder mit dine Forderige gförderet hesch. Nach über 20 Johr Dirigänt gshet me jetz eini vo dine grössere Errungeschafte, bisch du nid numme Dirigänt, sonder au Mitglied vo däm geniale Verein. Au süscht gseht me di immer wieder als guete Musiker oder "d'schütte hüttlende" Mensch. Härzlichi Gratulation zum Füfzigschte! Andi
________________________________________________________________________________________________________
Carlos Dill	Hey Victi Ich wünsch dr alles Gueti zum Geburtstag... Messi villmol für die super Zit wo ich mit de JMP ha dörfe verbringe... isch eifach super gsi ; ) Liebei Griess Carlos
________________________________________________________________________________________________________
Claudia Keller	Lieber Victi, Ich hoffe du bringst das Mehl noch mindestens weitere 50 Jahre zum Stäuben! Für diese Zeit wünsche ich dir viel Elan, Kraft, Power und Freude bei der Arbeit in der JMP! Claudia
________________________________________________________________________________________________________
Diego Weisskopf	Härzlichi Gratulation zum 27^1,18696-igstä Geburtstag ;-) alles Gueti! gruess diego
________________________________________________________________________________________________________
Dominique & Thomas Frey	Ciao Victi Mir wünsche Dir alles gueti zu Dim runde Geburtstag. Glück , Gsundheit und Erfolg sölle Di witerhin begleite und mir hoffe du wirdsch no lang als Dirigänt mit dr JMP ufträtte. Liebi Grüess Dominique & Thomas
________________________________________________________________________________________________________
Dominique Perler	"häbbi Börsdei tu iuu, häbbi Börsdei tu iuu, häbbi Börsdei diir Victi, häbbi Börsdei tu iuu!"(singende Stimme vorstellen ;-) ) Ich wünsch dir für die witere 50 Joor nur s'Beschti und blieb so jung und früsch wie de bisch! :-) liebi Grüessli Domi
________________________________________________________________________________________________________
Fede Illi	Liebe Victi, i due dr gratuliere. Hüt in dr Prob wärde mir nur für di musiziere! Doch leider duesch es aber nit höre, drumm dueni di jetzt do kurz störe. Alles Gueti, liebe Victi, im neue Johr, und lueg, dass negst Johr keins me verliersch vo dine dunkle Hoor! I wünsch dr dass mit eim Johr älter trotzdem e Jöhrli jünger usseh duesch, obwohl das jo mit 35 eigentlig noni muesch!:) Ufs Grillfescht bi dir duet sich scho die ganzi JMP freue. I ha dr jo gseit dä Spruch wirsch garantiert bereue:) I hoff du blibsch uns au mit 50 no lang erhalte und ghörsch nit plötzlich zue de Alte!:) Wünsche dueni dr nur no s Bescht und e super mega grandioses Fescht! Liebi Grüessli Fede
________________________________________________________________________________________________________
Fabian Thomi	Vierzig vröhliche vereinsmitglieder veiern victis vünfzgisten! Herzligi gratulation! :) Lg fabian
________________________________________________________________________________________________________
Jennifer Di Leo	Trifft man Dich bist Du geschäftig, im Gehen, Fahren und Spielen, Dein Tempo liegt meist über fünfzig, so schnell erreichst Du auch Dein Ziel. Ich wünsche Dir für künftige Tage eine schöne Zeit, den richtigen Blick für jede Lage und ein grosses Quantum Fröhlichkeit. Alles Gute, viel Erfolg, Freude und gute Gesundheit wünscht Jennifer Di Leo
________________________________________________________________________________________________________
Jürg Niederhauser	Liebä Victi Bis uf Australie het sichs umegsproche, dass du hüt din 30. Geburtstaag fiirsch, (oder sind 20 Joor uf em Wäg vo dr Schwiiz bis nach Down Under verlore gange :P) gsehsch au mit 50. us wie 30. =D Wünsch dir alles guetii zum Geburtstaag uf wiiterii 50 und nomeh Joor. Ich tank chli Sunne für di, dass au wiiterhin soviel Energie hesch :) See you Jürg
________________________________________________________________________________________________________
Laura Bazzo	Jugendfrischi hi und här, erst mit 50 isch mä wär. Es wird versuecht mit Schönheitspfläg, und me haltet nit emol vor dr Diät. Doch nimms nit tragisch sondern lach, denn erst mit 50 gohts zur Sach ;P Gruess Laura
________________________________________________________________________________________________________
Lorena & em Mauri & em Elia & dr Michaela	Victi mir wend dir gern zum Geburtstag gratulierä und über di e paar Wörtli verlierä, Du hesch jo das Jöörli e runde, und mir hend bi dir immer no keini Fältli gfunde. Wirsch 30, 40 oder 50?.. Eus duets nid interessiere, du duesch eus immer no glich guet dirigiere.. Dis Stöckli duesch immer no glich elegant schwinge, dass es bi eus hoffentlich immer no guet duet klinge. In jedere Prob gits öbis z lache, & s musiziere duet uns mit dir e grosse Spass mache. Mir vo der JMP sind froh das du sone frohnatur bisch, das macht macht eim immer ganz frisch. Jedes Johr düen mr tschüttle rütle, dodruf duet dr Elia grad blüttle. Drei mol Pfiffe und dr Victi klatscht in d hend, dass isch das wo mir vo dr Jugendmusik wend :)) Das wo ihm vo dr Jugendmusik isch am meiste wärt, nenne mir Johreskonzert. Was simmer?? Diie geilschte.! Was wemmer am meischte? Ds publikum begeischtre. Denn d Tatsach isch: Was simmer? Die beschte.! Was wemmer? Go Feschte.! & wer sin miir.? Natürlich d JMP, d JMP.!!! Victi mir wünsche dir alles Gueti zum schluss, und mir gebe dir jetzt alli en dicke Kuss. greeimt voo dr Lorena & em Mauri & em Elia & dr Michaela
________________________________________________________________________________________________________
Marco Osterwalder	Liebe Victi/Guru Alles Liebe und nurs Beste zum 50. Geburtstag au vo mir, und ich cha numme dangschön saage für die suppertolli Zyt won ich mit dir in dr Muusig und bi de Leos han dörfe vrbringe. M.E.R.C.I Marco
________________________________________________________________________________________________________
Manuel Wyss	Liebe Victi, 50 Jooor isch dass würklich woohr??? Drvo fascht 22 Joor Dirigent vo dr JMP! Woooow…. Wenn ich dass usrechne würd….i sage mir hänn öppe 38 Probe pro Joor plus no diversi Uftritt so chömemer öppe uf 45 Aläss pro Joor mit ca. emene Schnitt vo 5 Stund Alass dur (d Probe göhn nur knapp 2 Stund aber au d Beiz will bsuecht si)…. denn no d Vorbereitigszyt deheime vo nomol öppe ca….100 Stund pro Joor (viellicht au meh oder weniger) so wäre dass schlussendlich 325 Stund Ufwand pro Joor mol 22 Joor gäbti denn 7150 Stund plus all die Lagerstunde und Eidgenössische Musikfester….sagemer ca. 10’000 Stund JMP!!!! In dere Zyt hättisch du chönne: Ca. 6667 Fuessballmätch à 90 Minute luege Ca. 13334 Schieber-Jass klopfe Ca. 600000 SMS – schriebe oder au lese (pro SMS 1 Minute)! Ca. 240000 Mol dr Wettstei-Marsch ufem Piccolo pfyffe Ca. 60'000 Telefonverkäufer abwimmle Ca. 8512 Browser installiere Oder öppe 3.6 Mio Pflänzli giesse Merci viel mol dass du stattdesse uns ständig Wasser geh hesch und das hoffentlich au no witerhin mache wirsch! Blib gsund und hoffentlich no lang Dirigent vo eusem tolle Verein Di Prääääsii ManU
________________________________________________________________________________________________________
Moritz Thommen	Sali Vikti!! Wünsch alles Gueti zum Runde und gniess din Daag! Gruess Moritz
________________________________________________________________________________________________________
Nicole und Theo Frey	Liebe Victi 50 bist Du – schau mal an Wie gut man da aussehen kann! Gib doch das Rezept mal preis Wenigstens im kleinen Kreis Vielleicht ist es zu kopieren So, nun lass Dir gratulieren Vo Härze alles Gueti zu Dim Runde, bliib gsund und munter! Nicole und Theo
________________________________________________________________________________________________________
Rosi Dill	Der 10. Januar ein wirklich spezieller Tag!!!! - da hat doch nebst meiner Lieblingsschwägerin auch noch mein Lieblingsdirigent Geburtstag. Auf diesem Weg herzlichen Glückwunsch Victi.
________________________________________________________________________________________________________
Sabrina Nussbaum	Liebe Victi A VERY HAPPY BIRTHDAY an dr best Dirigent! Ich wünsch dir vo ganzem Härze alles Liebi und nur's aller besti zu dim Geburtstag und überhaupt!! Uf das all dini Wünsch in Erfüllig göhnd. Sabrina
________________________________________________________________________________________________________
Sascha Kastaun	50 Jahre, ach du Schreck! Die Jugend und der Lack sind weg! Muskeln schmerzen, Knochen knacken, manchmal hast du es im Nacken. Du hattest Höhen und auch Tiefen und warst stets da, wenn wir dich riefen. Nun, das eine sollst du denn noch wissen: Bleib uns treu - sonst sind wir aufgeschmissen! Wir wünschen dir von Herzen Glück, du bist und bleibst das beste Stück! Bleib wie du bist, treibs nicht so doll, dann machst du auch die 100 voll! Alles gueti zum 50ste Geburtstag!!! Und dänk immer dra: Me sött nit mit Astand alt wärde, sondern lieber unaständig jung bliebe! :-D Sascha K.
________________________________________________________________________________________________________
Thomas Faeh	Liebä Vittorio I mag mi no ganz schwach erinnere wo ich anno 93 ind JMP cho bi, wo's no Schwarz-wiss Fernseh gä het und blau-graui Uniforme. Han ich mi gfreut ins tolle Klarinette-Register zcho wos so vil maitli (und anderi langhoorigi) gha het. Au dozumols bisch du jugendlich-trendig agleit gsi und hesch e passendi Frisur gschwunge, ganz wie sichs fuere ca 29 jöörige Dirigent vomene dynamische Huufe ghört. Sither hani's vergniege gha mit dir an ca: 1 Hochziit vo dir und dr Karin zgo, 2-3 Eidgenössischi zgo, 3-4 mol z Wildhuus im Lager zsii, 4-5 mol no in andere super Lager, 5-6 mol an Kantonale Musigfest, 7-8 grandios erspielti Priis drfür absahne, 8-9 Johreskonzert uf dr Klarinette zspiele, 9-10 no uf dr Bassklarinette, 10-11 Pizzas im Schlossgarte z'verspiese, 11-12 Bierli ztringge ... i chennt no lang so witermache Aber eins isch konstant gsi über die ganzi Ziit: du bisch immer jung und dynamisch (ebe öpe 30ig) gsi! ;-) I wünsch dir numme sBeste zu dim runde Geburtstag und hoff, noch dem die Griess obe dra gläse hesch, bliibsch dr JMP nomol 22 Joor erhalte! dr Faeh